وزارة الآثار بتستعد لافتتاح المتحف الكبير بشكل جزئي في 2018، وتم نقل عدد من التماثيل والقطع الأثرية من المتحف المصري في ميدان التحرير، للمتحف الكبير الموجود في الجيزة جنب الأهرامات. عدد القطع الأثرية اللي اتنقلت 10، ومن بينها جزء من دقن أبو الهول، ولسه هيتم نقل قطع تانية زي تمثال للملك خفرع، وراس الملك أوسركاف، اللي يقال إنه مؤسس الأسرة الخامسة.

المتحف بيتم إعداده علشان يكون أكبر متحف بيضم آثار في العالم، وبيستهدف استقبال 5 مليون سائح سنويًا. هيكون كمان فيه مباني خدمات تجارية وترفيهية وحديقة مزروع فيها الأشجار اللي كانت منتشرة في مصر في العهد الفرعوني. المشروع بتكلفة 550 مليون دولار، واليابان بتساهم فيه بحوالي 300 مليون دولار كقرض ميسر.

مصدر الصور: رويترز