المتحف المصري بدأ تجربة لأول مرة، وهي عرض آثار الملك توت عنخ آمون بطريقة الهولجرام، لمدة 10 أيام، بدأت من 18 ديسمبر وتنتهي في 29 ديسمبر. الحكاية دي جت بعد تجارب كتير ومحاولات لتصميم برنامج مخصوص لكنوز توت عنخ آمون. الزائر للمتحف هيدخل أوضة توت عنخ آمون، ويتفرج على 10 قطع أثرية كأنها قدامه، أبرزها كرسى العرش وتماثيل المعبود بتاح رب منف، ورأس «توت» الخشبى، والجولة هتاخد 5 دقايق. البرنامج اتصمم خلال 3 سنين. 

لو عايز تتفرج على التجربة دي، لازم توصل المتحف بدري من 10 الصبح، وتدفع تذكرة المتحف العادية اللي بتكون 10 جنيه لو أنت مصري ومعاك بطاقتك، وبعدين تطلع قاعة مقتنيات توت عنخ آمون واسأل عن العرض، لو ماعرفتش توصل امشي على وصفة الايفنت ده.