الاتحاد الدولي لصناعة التسجيلات الصوتية، قال في تقرير ليه إن خدمات البث على الإنترنت والأغاني بتنمو إيرادتها، وده بيخلي مبيعات الموسيقى تزيد في العالم، وإن الموسيقى على الإنترنت مبيعاتها فاقت الأسطوانات وتحميل الأغاني الرقمية لأول مرة.

في عام 2014 مبيعات الموسيقى كانت اتراجعت 40 % بسبب إن الناس بطلت تشتري أسطوانات، لكن السنة دي فيه حوالي 38% من كل مبيعات الموسيقى معتمدة على الخدمات اللي ليها اشتراكات، زي "Apple Music"، واللي بتخليك تسمع المزيكا في لحظتها من غير ما تحتاج تحملها او تشتريها، وإجمالي الإيرادات زاد بنسبة 8.1% عن السنة اللي فاتت، وده بسبب إن خدمات البث الموسيقي على الإنترنت بيوصل لناس أكتر.