• اكتب معانا
  • ماتنسناش
  • تابعنا
الموضوع اللي جاي
الحكم على "بوسي" بالسجن 9 سنين
الموضوع اللي فات
بنك سويسري: المصري محتاج يشتغل ١٠١ دقيقة عشان يشتري "بيج ماك"

تحرش وعنف وإيحاءات جنسية.. تقرير المجلس القومي للمرأة عن مسلسلات رمضان

أنا حاطاك في دماغي وبراقبك وهراقبك

المجلس القومي للمرأة برئاسة الدكتورة مايا مرسي أصدر تقرير خاص من خلال لجنة الإعلام برئاسة الدكتورة سوزان القليني، بيرصد دراما رمضان ومؤشرات صورة المرأة في الدراما المصرية خلال شهر رمضان، بعد ما تم حصر شامل للمسلسلات في القنوات الفضائية المصرية واللي بلغ عددها 32 مسلسل.
المؤشرات الأولية لتحليل صورة المرأة في الدراما الرمضانية واضح من خلال تراجع نسب التجاوزات سواء في العنف ضد المرأة في استخدام الألفاظ الخادشة، أو إظهار الصور السلبية للمرأة على حساب الصور الإيجابية، ورغم إن تم الإلتزام بالكود الأخلاقي لمعالجة قضايا المرأة في الدراما اللي أقرته لجنة الإعلام بالمجلس القومي للمرأة وكذلك في الاعلانات والبرامج إلا إن حصل بعض التجاوزات، ومن أهمها:

- الألفاظ السوقية والخادشة للحياء في مسلسل "سك على اخواتك" و"ربع رومي" و"الوصية" و"عزمي وأشجان"، في مسلسل "سك على اخواتك" ظهرت افيهات أساسية بتعتمد على السب بالأم، والسخرية من مواطني محافظة بني سويف وحال التعليم هناك وإهانة فئة المعلمين.

- الشتايم في مسلسل "ضد مجهول" اللي جت على لسان القاتل المأجور زي: "أنا قايل لـ (المرة) دي إن قبل طلوع الشمس هتكون العصفورة طارت"
وفي مسلسل أرض النفاق "روح اتعشى هناك يا روح أمك" وفي مسلسل خفة يد: "مش هنقعد مع حرمة"
مسلسل الوصية: "خد البتاعة دي من هنا وامشي".

- استخدام الإيحاءات الجنسية بشكل كبير في مسلسل "أيوب" و"لعنة كارما".

- ظهور المخدرات والتدخين بين الستات وده حصل في مسلسل "ضد مجهول" لغادة عبد الرازق، وهي غير مدخنة، واستخدامها للتدخين كوسيلة للهروب، وندى بسيوني في مسلسل "مليكة" ونيللي كريم في مسلسل "اختفاء" وتعاطيها للحيشي، وهنا الزاهد في مسلسل "سك على اخواتك" وريهام عبد الغفور وحنان مطاوع في مسلسل "الرحلة" وزينة في "ممنوع الإقتراب أو التصوير"

- جرأة بعض المشاهد المنفرة للجمهور وخادشة للمشاعر الإنسانية زي الأم اللي بتغسّل بنتها المقتولة، بدون مراعاة حرمة الموت في مسلسل "ضد مجهول".

- ترويج لفكرة إن القانون مايقدرش يظهر الحق، في مسلسل "ضد مجهول" لما البطلة قالت "هاعرف أجيب حق بنتي بعيد عن القانون"، ودعم من صاحبتها بجملة "ماحدش هيجيبلك حقك هنا" على لسان حنان مطاوع.

- التركيز على ظهور بعض المهن للمرأة  بصورة سلبية خاصة صورة الاعلامية، زي ما ظهر في مسلسل "أمر واقع" وظهور الاعلامية اللي ماتعرفش الفرق بيت الرتب العسكرية، واللي بتحاول تستغل أنوثتها عشان تتقدم في محالها، والإعلامية اللي بتسبق الأحداث وبتسيء الظن وبتطلق التهم بدون أدلة في مسلسل "كلبش 2"

- وظهرت أشكال العنف اللي بتتعرض لها الست في بعض المسلسلات زي:
العنف المادي من الراجل في مسلسل "كلبش 2" في محاولة أمير كرارة لطرد بسنت شوقي من بيته، وفي مسلسل "عوالم خفية"، لما هبه مجدي بتتعرض  من زوجها للضرب والاهانة والاجهاض، وفي مسلسل "الرحلة" لما قام باسل خياط بالتخدير والخطف والربط بالحبل والسب والضرب بالحزام والخنق.

والعنف المعنوي من جانب الزوج في مسلسل "كلبش 2" لزوجته، عن طريق سبها طول الوقت، والعنف المعنوي من المرأة للمرأة زي محاولة ليلى عز العرب بالسخرية من مريم الخشت عشان اتأخرت في الزواج، وتنيف نادين لأمينة خليل في مسلسل ليالي أوجيني، ونهال عنبر لخادمتها في مسلسل "فوق السحاب".

العنف المادي والمعنوي من الراجل، زي خالد كامل وأمينة خليل وهو بيضربها في مسلسل ليالي أوجيني، ودنيا عبد العزيز وجوزها في مسلسل "رحيم".

ومن الصور الإيجابية للمرأة:


- الصاحبة اللي بتساند البطل في الدفاع عن حقه وبتراعي أسرته، زي روجينا في "كلبش 2" وأمينة خليل في "ليالي أوجيني" وهنا الزاهد في "أيوب" وميرنا نور الدين في مسلسل "فوق السحاب" ومسلسل "قانون عمر".

- المرأة المسئولة عن بيتها وناجحة في شغلها اللي بتحاول تحقق ذاتها رغم كل اللي المشاكل اللي بتواجهها، زي شخصية مي عز الدين في مسلسل "رسايل".

- ظهور شخصية الأم السنة دي بدور المرأة المساندة لابنها زي مسلسل "أبو عمر" و"كلبش 2" و"نسر الصعيد" و"أيوب" و"عوالم خفية" و"سك على اخواتك"

تقدر تقرأ كل التقرير من هنا 

Home
خروجات النهاردة
Home
Home