الجهاز المركزي للتعبئة والإحصاء، قال إن صادرات مصر لأمريكا ارتفعت بنسبة 105.5% في سنة 2017 عن سنة 2016. حسب نشرة الجهاز للعلاقات الاقتصادية بين مصر والولايات المتحدة الأمريكية، قيمة الصادرات وصلت لـ 23.6 مليار جنيه في 2017، وكانت 11.5 مليار جنيه سنة 2016.

الفضل الأول في زيادة الصادرات المصرية لأمريكا كان الملابس الجاهزة، اللي بتمثل 51% من إجمالي الصادرات، وبتجيبلنا 12 مليار جنيه، بدل ما كانت بتجيبلنا 6.4 مليار جنيه في 2016، بزيادة 88.8%. أما عن الواردات بقى، فمصر بتستورد من أمريكا بقيمة 69.1 مليار جنيه في 2017، وفي 2016 كان الرقم 38.1 مليار، بزيادة أكتر من 81%.