وزارة البترول والثروة المعدنية كشفت عن خطة لإلغاء بنزين 80 الأرخص في السوق المصري حاليًا، واستبداله بنوع بنزين جديد بيتم استحداثه، هيبقى اسمه بنزين 87 وهيكون بنسبة نقاء أعلى من 80. وزير البترول والثروة المعدنية طارق الملا، كان صرح بنفس الحاجة، واتقال إن ده في إطار التحديثات اللي بتعملها وزارة البترول في القطاع ده.

مصدر في وزارة البترول قال لموقع "مصراوي" إن الوزارة انتهت من التجارب بتاعت بنزين 87 وإنه بقى جاهز أول ما الحكومة توافق على طرحه في السوق. المصدر أضاف إن بنزين 87 قريب في جودته من بنزين 90 وهيكون سعره أعلى من 80 لأنه أكتر كفاءة وأنقى.