جابر طايع، رئيس القطاع الديني بوزارة الأوقاف، قال إن الوزارة لغت لفظ داعية وحظرت استخدامه خالص، وده لإنه لفظ متداول وبقت وظيفة اللي مالوش وظيفة. "طايع" أضاف خلال لقاء مع برنامج "المواجهة": "بعض الناس يكون لديه دبلوم صنايع أو تجارة أو خريج كلية غير علمية أزهرية أو تتعلق بالشأن الديني، يطلق على نفسه كلمة الداعية الإسلامي الشهير، ونحن لا نريد أن نلبس على الناس في أفكارهم".

وأكد إن أي حد بيقول على نفسه الكلمة دي، الناس بتستمع ليه وبتاخد بأفكاره، والوزارة بتسعى إنها تسمي الأسماء بمسمياتها، لأن المسمى الوظيفي في الجهاز المركزي للتوظيف والإدارة هو إمام وخطيب أو مدرس، أو كبير أئمة ومفتش ومدير دعوة، ومافيش حاجة اسمها داعية في الوزارة ووظائفها.