الدكتور سعد الدين الهلالي، أستاذ الفقه المقارن بجامعة الأزهر، قال في برنامج على فضائية ONE، إن فرعون مصر اللي كان بيحارب سيدنا موسى، مش مصري، واسمه الحقيقي وليد. الهلالي أكد إنه اطلع على كتب بتثبت إن فرعون أصله من خراسان، ودي منطقة بين إيران وأفغانستان واسمه كامل وليد بن ريان.

الكتب اللي الهلالي استند ليها، حسب كلامه، هي كتاب للفيروز آبادي اسمه (بصائر ذوي التمييز في لطائف الكتاب العزيز) وبن منظور في كتابه الشهير (لسان العرب) والفيومي في كتابه (المصباح المنير)، وقال إن كل المراجع دي بتدعم رأيه. دي مش أول مرة يتقال إن فرعون ماكانش مصري، سبق إن وزير الإعلام السوداني أحمد بلال، صرح إن فرعون كان سوداني