وكالة "بلومبرغ" قالت إن شركة أوبر بتعمل محادثات مع منافستها كريم، عشان يدمجوا خدماتهم لنقل الركاب في منطقة الشرق الأوسط تحديدًا. تقرير الوكالة أضاف إن الشركتين بيحاولوا يوصلوا لاتفاق وفي أكتر من اقتراح مطروح، زي مثلًا إن واحد من رؤساء شركة كريم هو اللي يدير النشاط الجديد بعد الدمج، ويفضل اسم أوبر وكريم موجود، أو واحد منهم.
في اقتراحات تانية عرضتها "أوبر" حسب تقارير الوكالة، زي إن أوبر تشتري كريم في الشرق الأوسط أو تشتري نصها على الأقل لو مش هتشتريها كلها.