فاكرين الأضواء؟ مش أضواء المدينة، الأضواء بتاعت الكتب المدرسية والملخصات والدروس ووجع القلب ده. الأضواء قررت تفكها من الكتب وترفه عن العيال شوية بمناسبة عيدها الخمسين وكدة، قرروا يعملوا حفلة يوم 15 سبتمبر الجاي في الحديقة الصينية، المهم في الموضوع إنهم جايبين في الحفلة مسار إجباري، وده تحدي كبير لكراسة الأول اللي لازم ترد عليهم وتجيب "شارموفرز" بالميت.

بس استنى، الحياة مش سهلة كدة، علشان تحضر الحفلة لازم تشتري كتابين إعدادي وثانوي من الأضواء. الحفلة هتكون من 3:30 ل 10:30 مساءً، وهيكون فيها سبيكرز كتير غير باند مسار إجباري، زي أحمد رأفت وعمرو راضي ونورهان أبو بكر، وكل ده في إطار احتفال الأضواء باليوبيل الذهبي بتاعها. كمان في إطار الاحتفال، الأضواء عاملين حملة "تعليم ضد العنف" بيحاربوا فيها الطرق التعليم القديمة اللي بتعتمد على العنف والضرب والشتيمة وقلة القيمة.

اعرف تفاصيل أكتر من هنا