حسب موقع "إرم نيوز" الإخباري، تكلفة التأمين على الروبوت "صوفيا" خلال زيارتها لمصر، كانت مليون دولار أمريكي. "صوفيا" جات مصر عشان تشارك في النسخة التامنة من ملتقى صناعة الإبداع “Creative Industry Summit”، اللي استمر يوم الاتنين والتلات اللي فاتوا.

مصدر في شركة THE WORX اللي نظمت الملتقى بالشراكة مع IDEA BAKERS، قال إن مهمة التأمين على "صوفيا" كانت مسؤولية شركة عالمية. صوفيا خلال زيارتها لمصر، عملت حوار مع الإعلامي "أسامة كامل"، ده غير مشاركتها في فعاليات المؤتمر.

بداية تشغيل "صوفيا" كانت سنة 2015، وهي من تصميم شركة هانسون روبوتيكس، في هونغ كونغ، ومشهورة بتصرفاتها وردودها الشبيهة بالبشر، وفي أكتوبر 2017، "صوفيا" بقت أول روبوت ياخد جنسية دولة لما أخدت الجنسية السعودية.