الصحف الليبية نشرت خبر القبض على أبو حفص الإسرائيلي، وهو إمام مسجد في ليبيا اتضح بعد التحقيق معاه إنه معاه الجنسية الإسرائيلية، واسمه الحقيقي بنيامين إفرايم. بنيامين ضابط في فرقة المستعربين التابعة للموساد المتخصصة بالتجسس على الدول العربية والإسلامية، وانضم لتنظيم داعش وراح معاه لبنغازي، وهناك قدر يكون داعية، وحرض على قتل حوالي 200 شخص.

القصة دي مش أول مرة تنتشر، الصحف الليبية نشرتها في مايو 2017، ورجعت نشرتها تاني في يوليو 2017، وقالوا إن المخابرات المصرية اكتشفته عشان كان بيخترق الحدود، وآخر مرة كانت الأيام دي، وده معناه إن ممكن جدًا تكون القصة مش حقيقية ولكن العهدة على السلطات الليبية.