شبكة NBC الأمريكية، قالت إن المذيعة الأمريكية من أصل مصري "هدى قطب"، هتشارك في تقديم برنامج Today بدل من المذيع مات لاور، اللي تمت إقالته بعد اتهامه بممارسة سلوك جنسي غير ملائم، "هدى" اللي عندها 53 سنة هتشارك المذيعة "سافانا جوثري" في أول ساعتين من البرنامج، عشان تكون أول مرة بيقدمه 2 ستات. 

برنامج Today كان أول برنامج "توك شو" صباحي لما بدأ سنة 1952، ومترتب رقم 17 ضمن أفضل 50 برنامج في تاريخ أمريكا. "هدى" اتخرجت من جامعة فيرجينيا التقنية واشتغلت مراسلة ومذيعة في محطة تلفزيونية محلية واشتغلت في NBC من 1998، وبقت معروفة في 2007 لما بقت تقدم فقرة ثابتة في برنامج Today وكسبت جايزة Emmy Award في 2010 عن تقديمها للفقرة دي.