الدكتور رضا حجازي، رئيس قطاع التعليم العام بوزارة التربية والتعليم، قال إن في قوافل تعليمية هتتجه لشمال سيناء، فيها أفضل المعلمين على مستوى الجمهورية، عشان يشرحوا للطلبة مناهج الثانوية العامة. وأكد "حجازي" في مداخلة على قناة Ten، إن مراعاة لظروف طلاب الثانوية العامة في شمال سيناء، هيحق للطالب إنه يأجل امتحاناته للدور التاني، وهياخد الدرجة كاملة عادي مش نص الدرجة بس زي العادة.

كمان وضح إن طلاب شمال سيناء هيمتحنوا في أماكنهم في المحافظة، والامتحانات مش هيتم نقلها لأي محافظة تانية، وهتكون في دورات صيفية عشان تعوض للطلاب الأجزاء اللي ماتشرحتش من المنهم. كل الإجراءات دي لتعويض توقف الدراسة في المحافظة، اللي حصل بسبب العملية الشاملة اللي كان بيقوم بيها الجيش المصري في شمال سيناء ضد المجموعات الإرهابية.