متحف الغموض - Museum Of Illusions بيستعد لافتتاح أكبر فرع في شبكته العالمية في دبي في شهر سبتمبر الجاي.

المتحف بيضم 80 من المعروضات متنوعة الأشكال والأحجام، وهيشكل واحد من أهم معالم الجذب بين المشاريع التراثية والثقافية في مشروع السيف على ضفاف خور دبي. بس لحد دلوقتي لم يتم الإفصاح عن كل معروضاته لحد افتتاحه الرسمي يوم 12 سبتمبر 2018.

المعروضات اللي نعرفها لحد دلوقتي هي: نفق الدوّامة اللي عبارة عن اسطوانة دوّارة بتخدع اللي بيمر من خلالها وتوهمه بإن الأرضية مش ثابتة، وغرفة تحدّي الجاذبية المائلة اللي زوارها بيبقوا أصغر أو أكبر في الحجم حسب موقعهم جواها. المتحف، على عكس كل المتاحف التانية، بيدعو الزوار للمس المعروضات والتقاط صور معاها خلال زيارتهم.

فارفارا سفيشيفا، مديرة المتحف في دبي، قالت لمجلة فوربس العربية: "تم انتقاء محتويات المتحف بعناية فائقة بهدف توفير أوسع تجربة ممكنة لسكان المدينة وزوارها القادمين من شتى أنحاء العالم، ويكاد الدماغ البشري أن يكون بمثابة حاسوب فائق التعقيد لأبعد الحدود، يعالج المدخلات القادمة من الواقع المحيط عبر كافة الحواس، ولهذا السبب صمّمنا خدعنا خصيصاً كي تسمح للدماغ بتلقي بعض التفاصيل وتجاهل أخرى وصنع وهمٍ بواقع غير موجود فعلياً، ما يصوغ حالات ومناظر تبدو غير منطقية".

افتتاح الفرع الأول للمتحف كان في العاصمة الكرواتية زغرب سنة 2015، وبعدها تم افتتاح 6 متاحف تانية في جميع أنحاء أوروبا وآسيا. ومن المقرر افتتاح 7 متاحف تانية في سنة 2018، في نيويورك وتورونتو وبرلين، بالإضافة لدبي.