10 دلافين من نوع "القاتل الكاذب" ظهروا في الغردقة جنب منطقة "الشيراتون" النهاردة، ولقتهم دورية بحث بحرية في خلال جولتها في محميات البحر الأحمر. 

وكان في سياح على لنشات قريبة أظهروا سعادتهم بالدلافين وصفَّروا ترحيبًا بيهم. وقال الدكتور "أحمد غلاب"، مدير عام محميات البحر الاحمر، إن الدولفين القاتل الكاذب سبق ولقوه في البحر الأحمر بس في مواقع قليلة، ونادرًا ما بيكون موجود في البحر الاحمر في السنين اللي فاتت، هو شبه الحوت القاتل لكن هو دولفين طوله 5 أمتار.

واضاف انه هيتم إضافته علي قائمة الكائنات البحرية اللي رصدوها في البحر الأحمر في السنين اللي فاتت، وكان فيها القرش الحوتي "بهلول" والحوت الأحدب وسمكة الشمس. واعتبر المتخصصين في علوم البحار إن ظهور الدولفين حدث نادر وفريد، وبيدل علي نجاح الجهود الخاصة بحماية البيئة البحرية والالتزام بالاتفاقيات الدولية الخاصة وعدم ايذائه أو مطاردته من الصيادين عشان يفضلوا في البحر الاحمر.