محافظة أسوان ابتدت تعمل تقرير مفصل بالوضع الحالي لكل المتضررين من بناء خزان أسوان، بعد ما قدموا المبررات القانونية والاثباتات لأراضيهم وبيوتهم في النوبة. 

باب الطلبات لسكان النوبة اتفتح من 2009، ووصل عدد الملفات لـ 3850 من حقهم بيوت في النوبة واللي اتهجروا بسبب بناء السد وتعلياته اللي كانت من 1899 لحد 1926. 

تمليك النوبيين هيكون في مساكن عملتها المحافظة في 10 مناطق. والنوبيين كانوا معترضين بسبب طلب الحكومة منهم مستندات تثبت أحقيتهم في الأراضي بعد 100 عام من التهجير، وده اتسبب في فشل الأسر النوبية في إثبات حقهم.

التسكين ده بناءً على قرار السيسي اللي أصدر في 28 يناير 2017 بتكليف الحكومة بتعويض من لم يتم تعويضهم من أهالي النوبة.