درب 1718 أعلن عن أول مهرجان للتصوير الفوتوغرافي يعمله باسم CAIROGRAPHIE، هيبدأ يوم الأحد 5 نوفمبر وهيكمل لحد 31 ديسمبر. المهرجان معمول بالتعاون مع Photopia وبيهدف لتجميع كل مصوريين الفوتوغرافيا والفيديو في فعالية واحدة عشان يتعرفوا ويكونوا شبكة علاقات.

المهرجان هيكون له فكرة وطابع مختلف كل سنة، النسخة الأولى السنة دي هتبقى بعنوان Transition ودي فكرة المصور كريم الحيوان وبيرمز بيها للتغيرات اللي في حياتنا وازاي ممكن نوظفها في الفن. "كريم" بيستكشف من خلال فكرة المهرجان ده، ازاي ممكن نتعامل مع حقيقة التغيير الدايمة في حياتنا.

"كريم الحيوان" هو مهندس معماري ومصور من القاهرة، وشريك مؤسس لستوديو "Design Point" للتصميمات المعمارية والداخلية، اللي تم انشاءه سنة 2002. وبدأ "كريم" فوتوغرافيا الشارع سنة ٢٠١٣ تحت رعاية ودعم "علاء عبد النبي" من رويترز.

تقدروا تشتركوا فيه من هنا.