برج خليفة في دبي، أعلن عن فرصة استثنائية لأصحاب المواهب الإبداعية ومصممين الضوء وفنانين الخرائط الثلاثية الأبعاد، اللي حابين يعرضوا شغلهم قدام جمهور عالمي كبير، وده عن طريق عرضها على واجهة الـ LED الجديدة في «برج خليفة» اللي أبهرت العالم كله.
المصممين يقدروا يشاركوا في المنافسة عن طريق تقديم مشروعاتهم واقتراحاتهم، والنتيجة هتكون إن اللي يكسب يعرض أعماله الفائزة على برج خليفة.

ممكن تقدم الفيديوهات المشاركة بشكل فردي أو ضمن مجموعات سواء داخل الإمارات أو من كل العالم. وهيتم اختيار 10 أعمال فنيَّة لـ 10 مشاركين للعرض على واجهة «برج خليفة»، وهيتم تقديمها لمواقع التواصل الاجتماعي الخاصة بالبرج، عشان يشوفها جمهور واسع حوالين العالم.

من شروط المسابقة إن الفيديو يكون 5 دقايق ومن نوع MOV ويكون المحتوى متصور من مسافة ماتقلش عن 100 متر. عشان تعرف تفاصيل أكتر عن شروط المشاركة، هتدخل على موقع http://burjkhalifa.ae/en/open-call/
ولو عايز تبعت شغلك فيه إيميل هتقدر تبعت عليه بموعد أقصاه 28 فبراير artanddesign@burjkhalifa.ae