"بلقيس" أول فنانة تظهر في التليفزيون السعودي من 47 سنة
بعد حفلة بلقيس في جدة اللي كانت كلها ستات بس، التليفزيون السعودي استضافها في برنامج صباحي عشان تكون أول فنانة ترجع تظهر على التليفزيون من 47 سنة. بلقيس ظهرت على التليفزيون بالزي السعودي اللي عبارة عن حجاب وعباية رغم إنها غير محجبة.
آخر فنانة ظهرت على التليفزيون السعودي كانت صباح سنة 1970. بلقيس اتكلمت في برنامج "صباح السعودية" خلال احتفالهم باليوم الوطني للإمارات، عشان تأكد على الأخوة والعلاقة بين البلدين بصفتها إماراتية. وقالت كمان إنها لسه عايشة في أجواء الحفلة اللي أحيتها في جدة وحاسة إنها في حلم من كتر تفاعل البنات السعوديات.
