مؤسسة "ميرسر" العالمية للاستشارات، أصدرت المسح السنوي اللي بتعمله، عن أفضل مدن العالم اللي ممكن تعيش فيها. العاصمة النمساوية "فيينا" احتفظت بمكانتها كأفضل مدن العالم، من بين 231 مدينة شملهم المسح، ومعايير المسح بتكون الاستقرار السياسي والرعاية الصحية والتعليم والجريمة والاستجمام والنقل.
رويترز قالت إن الشركة بتعمل المسح ده علشان تحدد بدلات التعويض وبدلات صعوبة العيش للعاملين الدوليين. واحدة من الحاجات الملفتة في المسح، إن العاصمة العراقية بغداد، احتلت المركز الأخير، كأسوأ مدينة ممكن تعيش فيها في العالم كله، بكده تكون بغداد في المركز الأخير للعام العاشر على التوالي.