امبارح في مستشفى بنها الجامعي، فوجئ أهالي المرضى وهما راكبين الأسانسير عشان يزوروا عائلاتهم، إنه وقع بيهم، سقوط الأسانسير اتسبب في وفاة 6 أشخاص، وقال سيد القاضي -رئيس جامعة بنها- إن فيه 2 مصابين بيتم علاجهم بسبب الحادث في المستشفى، وإن فيه عقود صيانة لكل الأسانسيرات مستمرة حتى 2020 وإن هيتم إبلاغ النيابة والتحقيق في الموضوع.

النيابة صرحت بدفن الجثث واتحفظت على دفاتر الصيانة، والمحافظ قال إنه قرر صرف 10 آلاف جنيه لأسرة كل متوفي، و5 آلاف جنيه لكل مصاب. 

المحافظ هرب من أهالي الضحايا اللي قالوا إن الأسانسير تاني مرة يقع خلال 15 يوم، وإنهم مش هيستلموا الجثث قبل التحقيقات.