نفى الممثل عمرو يوسف الإشاعة اللي انتشرت امبارح، واللي بتقول إنه تم القبض عليه هو وزوجته، الممثلة السورية كندة علوش، ومعاهم مخدرات بغرض التعاطي، وقال إنه مش ناوي يسيب حقه بعد اللي اتقال عليه. كل الحكاية إن في واحد ادعى إنه ظابط شرطة، وكلم كل الصحف وقالهم إنه قبض علي عمرو يوسف وكندة علوش ومعاهم مخدرات في عربية BMW سودة. نفي عمرو الموضوع ونفي امتلاكة لـBMW سودة أصلا، وأكد إن كندة مراته في الجونة من فترة.

وقال كمان في مداخلة تليفونية مع الإعلامي "خيري رمضان": "لما صحفي يشهر بسمعتي وسمعة مراتي، لمجرد تليفون من نصاب ينتحل فيه شخصية ضابط كبير، والله أنا حقي هيرجعلي من الصحفي ناشر الخبر ده بالأدب والقانون"، وأضاف "كل صحفي نشر الخبر بدون تحري الدقة، في قضايا هتترفع عليه، وبشكر كل صحفي محترم اهتم وكلمني". عمرو كمان نزل فيديو بينفي فيه كل الموضوع، من خلال حسابه الرسمي على فيسبوك