بدأ موقع "Youtube" قسم جديد بيعرض فيه فيديوهات خاصة بالأخبار العاجلة، القسم الجديد ظهر لكتير من مستخدمي الموقع العالمي، وبيضم مجموعة من فيديوهات ال "Breaking News" حوالين العالم، بيظهرلك 7 فيديوهات في الصفحة الرئيسية تقدر تختار منهم، وعلى حسب مكان وجودك الجغرافي، موقع "Youtube" بيظهرلك الفيديوهات الأكثر أهمية بالنسبة لمنطقتك، وتقدر بسهوله إنك تقفل الخاصية دي سواء على اللابتوب أو الموبايل.

موقع "Android Police"، المتخصص في أخبار نظام تشغيل أندرويد، بيقول إن لحد دلوقتي مش معروف إذا كان القسم ده هيبقى موجود بشكل دائم ولا في حالة وجود أخبار عاجلة بس، التحديث الجديد ظهر بعد أيام قليلة من تقرير صدر من جوه الشركة بيقول إنهم شغالين على خاصية جديدة بتعرفك كام شخص بيتفرج على الفيديو في نفس اللحظة حوالين العالم.