وافد مصري وزوجته في الكويت، اتحولوا للتحقيق في جهاز أمن الدولة الكويتي واحتمال يترحلوا من البلد خالص، بسبب تهمة البلاغ الكاذب وإزعاج السلطات. الموضوع إن في خناقة حصلت بين الزوج وزوجته المصريين واتطورت لاشتباك بالإيدين، ساعتها الزوجة قررت تسيبه وتسافر، وعشان الزوج يمنعها، اتصل بالشرطة وبلغ إن مراته بتعتنق الفكر الداعشي وإنها مسافرة على طيارة وناوية تفجرها.
حسب صحيفة "الأنباء"، السلطات على طول بلغت أمن المطار وقدروا يمنعوا الزوجة من ركوب الطيارة، لما حققوا معاها قالت إنها كانت سايبة البلد بسبب خلافات كبيرة مع جوزها وإن البلاغ ده كيدي مش أكتر عشان جوزها يمنعها من السفر. بعد التحقيقات، الجهات المختصة اكتشفت إن رواية الزوجة صحيحة فعلًا، وفي احتمال إنها وجوزها يترحلوا من البلد بعد الاتهامات اللي اتجوهتلهم.
