أطفال العراق عانوا كتير، بداية من صدام والغزو الأمريكي لحد ما وصلوا لداعش، وعشان نفسيتهم تتحسن، اتعمل مدينة "النجف" الترفيهية بأسعار مخفضة ومجانية لسكان النجف. 

صاحب المدينة جواد الشايب قال إن الدخول وحجز مكان السيارات مجانًا، واللعب والخدمات الأخرى بتتقدم بأسعار رمزية وإنه بيتفق مع المطاعم عشان تقدم وجبات بأسعار قليلة وبيتفق مع أصحاب محلات بيع الآيس كريم. "الشايب" قال كمان إن كل حاجة هتكون مجانًا لابناء السجناء وضحايا الحروب اللى عانوا كتير وإنه هيدفع تمن التذاكر بالنيابة عنهم، وقال إن مدينة الملاهي مفتوحة لكل أبناء الشعب العراقي، والأطفال اللي قابلوا موجات عنف أو أهاليهم بعدوا عنهم بسبب الحرب ممكن يتبسطوا على حسابي.