الستات العرب بيعانوا كتير، تحرش وقوانين .. لكن كمان عندهم جزء خاص بالجمال والموضة والشياكة، ورغم إن ممكن أي حد يتصور ويقول على نفسه "فاشوينستا" ويتكلم في الموضة، بس فيه ناس بيعملوا فيديوهات ومقالات تعلم البنات فعلًا وتساعدوهم يبقوا أجمل، مش يتفرجوا على صورهم ويتحسروا وبس، الستات دول من كل العالم العربي. 

هدى قطان

اتولدت واتربت في أمريكا وبعدين راحت دبي، هدى عندها خط منتجات التجميل الخاص بيها وده بيخليها مميزة جدًا في كل حاجة بتعملها. حلول لمشاكل البشرة والوانها والمكياج كلها عند هدى على انستجرام من هنا أو المدونة.

دلال علدوب

بلوجر مهتمة بالموضة والمكياج من الكويت، على المدونة بتاعتها هتلاقي طرق ازاي تعملي كل حاجة بتحلمي بيها، وازاي تعملي شكل خاص بيكي، شوفي صورها على انستجرام، وتابعيها على الموقع الخاص بيها.

ربى زاي

ربى مش بس بتقدم اشكال اللبس والمكياج لكن كمان طرق لف الحجاب وازاي تبقى شيك ومحجبة، ربى عايشة في هولندا وعشان كده بتحاول تحافظ على اخر صيحات الموضة مع الحجاب، قناتها على يوتيوب، او الموقع الخاص بيها، أو إنستجرام.

هنادي دياب

ميك اب ارتيست لبنانية وعندها صالون تجميل، اكتر حاجة شاطرة فيها هي الكونتور، فلو مش عارفة معناه او عايزة تتعلميه اتفرجي على فيديوهات "هنادي" على يوتيوب، أو الويب سايت بتاعها، أو إنستجرام.

تالا سمعان

لبنانية إماراتية مهتمة بالموضة واللبس، يمكن متتعلميش منها كل حاجة ليها علاقة بالميك آب لكن هتتعلمي اللي يخص اللبس أكيد، من الويب سايت بتاعها، أوالانستجرام، أو الفيسبوك.

انوم بشير

قطرية بتشتغل الصبح في المتحف القطري وبليل بتهتم بالموضة واللبس، ممكن تشوفي انستجرام، أو الويب سايت.

العنود بدر

مصممة أزياء سعودية وصاحبة العلامة التجارية "ليدي فوزازا"، ممكن متعرفيش تشتري من تصميماتها بس هتتعلمي منها. ممكن تتابعيها من هنا.

لانا الساحلي

لبنانية مهتمة بالموضة والأزياء والميك اب ممكن تتابعيها على الويب سايت، أو على انستجرام.

سارة حلمي – المريلة الكحلي

سارة اصلًا دكتورة بس بتحب الموضة وعشان كده قررت تعمل فيديوهات وتفيد البنات وتتكلم عن اللبس والموضة، ميزة سارة البساطة، لو عايزة تعرفي التخفيضات والوصفت البسيطة تابعي "سارة" على اليوتيوب.