الدكتور جمال شعبان عميد معهد القلب قال للمصري اليوم إن معظم نزلاء أقسام العناية المركزة في معهد القلب هم ضحايا عوادم السيارات وتلوث الهواء، وقال إن فيه عدد كبير من النزلاء هما سواقين التاكسي والميكروباصات.

الدكتور جمال شعبان قال كمان إن الأطفال هم أكثر الفئات تعرضَا لأخطار الرصاص، وإن جسمهم بيمتص كميات أكبر بنسبة 35 مرة أكتر من الكبار، وقال إن فيه ارتفاع لنسبة الرصاص في الدم وإن أغلبهم شباب وإن المرض ده ماكنش بيصيب الشباب والأطفال قبل كده.

الدكتور مصطفى مراد رئيس قطاع نوعية الهواء بوزارة البيئة قال إن الوزارة بتنفذ برامج عشان يفحصوا العوادم للعربيات واتوبيسات النقل العام، وهيعملوا فحص مفاجئ عن طريق 5 حملات يومية في الطرق والميادين في القاهرة والجيزة والقليوبية.

وبعد مشروع تبديل التاكسي القديم بالتاكسي الأبيض بدأت وزارة البيئة مشروع استبدال الميكروباصات، وتم التخلص من 84 ميكروباص قديم واستبدالهم بالجديد وجاري تنفيذ باقي المشروع.