الدكتور أحمد سمير، القائم بأعمال رئيس جهاز حماية المستهلك المصري، قال إن الجهاز هيأمن حق أولياء الأمور في مصاريف المدارس الخاصة ومصاريف الأتوبيسات. وأوضح سمير إنه بالنسبة لمصروفات الأوتبيس المدرسي الخاصة بالعام الدراسي الملغي واللي أولياء الأمور كانوا خلاص دفعوها مقدم، دي هترجعلهم تاني لأن الخدمة لم تقدم.

وتابع: «المدارس لا تريد أن ترد المصاريف إلى أولياء الأمور، على أساس تعاقدها مع شركات نقل ودفع هذه الأموال لها». وأكد سمير إن مصاريف الأتوبيسات اللي اتدفعت هتترحل للسنة الدراسية الجاية، ولو الطالب اتنقل لأي مدرسة تانية يبقى ولي الأمر هيسترد الفلوس اللي دفعها وفي قرار رسمي هيصدر بالكلام ده قبل بداية العام الجديد.

وذكر القائم بأعمال رئيس جهاز حماية المستهلك، إن مخالفة القرار ده أو أي قرارات خاصة بجهاز حماية المستهلك، بتعرض المخالف لغرامة تبدأ من 10 آلاف جنيه وتوصل لمليون جنيه.