"صناع الأمل" هي مبادرة أطقلتها دولة الإمارات لتكريم أصحاب العطاء في الدول العربية المختلفة، وهي الأكبر من نوعها في المجال ده. السنة دي المبادرة قررت تخصص إيرادات حفلها الختامي، اللي هيكون يوم 20 فبراير، لصالح بناء مستشفى مجدي يعقوب الجديدة اللي هتكون في القاهرة وهتعالج مرضى القلب بالمجان.

مستشفى القاهرة هتكون تاني مستشفى تديرها مؤسسة مجدي يعقوب إلى جانب مستشفى أسوان، لكن مستشفى القاهرة هتكون طاقتها الاستيعابية 5 أضعاف مستشفى أسوان، كمان هتوفر تدريب لأكتر من 1000 طبيب وجراح متخصص في أمراض القلب وهتعمل أكتر من 10 آلاف عملية 70% منهم لأطفال.