مهرجان البحر الأحمر السينمائي هو أول مهرجان سينما في السعودية بعد سنين من منع السينما، المهرجان هيكون في الفترة ما بين 12 و21 مارس الجاي في جدة، وطبعًا هيكون مهرجان كبير، والنهارده تم الإعلان عن شوية من تفاصيل المهرجان أهمها إن لجنة التحكيم هيرأسها "أوليفر ستون" اللي حصل على 3 جوائز أوسكار.

ويستضيف المهرجان بالتعاون مع السينماتيك الفرنسي معرض "فيلّيني يحلم ببيكاسو"، وهو معرض بيحتفي بالرسّام بابلو بيكاسو والمخرج فيدريكو فيلّيني، وهيقيم المهرجان في 13 مارس عرضاً خاصاً لفيلم "مالكوم إكس" لسبايك لي. وهيعرض كمان فيلم "الاختيار" ليوسف شاهين اللي تم ترميمه بالاضافة لـ10 أفلام تم ترميمهم للمخرج خيري بشارة. 

المهرجان هيشارك في 107 فيلم، منهم 16 في المسابقة الرسمية، وكمان ندوات مختلفة هيقدمها خيري بشارة، يسري نصر الله، سبايك لي، ويليام فريدكن، وأبيل فيرارا.

المهرجان كمان بيضم برنامج اسمه "سينما السعودية الجديدة" وهو مكان عشان السعوديين يقدموا أفلامهم وبيضم خمسة أفلام قصيرة لمخرجات سعوديات هنّ: هند الفهّاد، جواهر العامري، نور الأمير، سارة مسفر، وفاطمة البنوي. وتم الكشف عن مسرح الكورال اللي تم تشييده عشان المهرجان وهيساع 1200 متفرج، وفيه 3 قاعات بتشيل 120 مقعد، وقاعة رابعة بتضم 240 مقعد.