جرنال "عكاظ" السعودي كتب النهارده يوم التلات عن تفاصيل تحرش حصل في السعودية، وقالت إن الأجهزة الأمنية في مكة عملت قريق عشان ينفذوا تعليمات الأمير خالد الفيصل مستشار الملك السعودي وأمير منطقة مكة ويحققوا في الفيديو اللى انتشر على مواقع التواصل الاجتماعي. 

الفيديو مفيهوش وشوش ناس، لكن فيه صراخ وناس بتجري واللي صوره قال انه ده كان تحرش جماعي، وعدد من الشباب بيجروا ورا بنات جوه المنتجع أو "القرية"، وقالت جريدة "عكاظ" إن شرارة التحرش بدات جوه المركز التجاري لحد ما وصلت بره وانتشرت في القرية، الشرطة بتحقق مع ناشر الفيديو عشان تتأكد من صحته وتاخد منه المعلومات.