أكونت الشرطة الإماراتية على انستجرام استقبل رسالة استغاثة من بنت عندها 17 سنة، أهلها حابسينها في أوضتها من يومين، فورًا اتحركوا وراحوا للبنت، خرَّجوها وبدأوا يحققوا في الموضوع. الحكاية بدأت لمَّا خرجت البنت من غير إذنهم فقرروا يعاقبوها.

الأب استغرب تصرف الشرطة وأكد إنه عمره ما أذى بنته ولا اتعرض ليها بضرر، بس البنت أكدت إنها عايزة تسيب البيت وتعيش مع خالتها، زي ما أختها الكبيرة عملت. الشرطة في محاولة لتهدئة الأمور وتلطيف الجو بين البنت وأهلها، بعد ما مضَّوا أبوها على وثيقة بعدم تكرار الفعل، عملوا جلسات خاصة بين المراهقة وأهلها وعرضوا تقديم مساعدة من طبيب نفسي.