الرئيس الروسي فلاديمير بوتين، كان في مصر النهاردة وقابل الرئيس السيسي. واحدة من أهم الحاجات اللي كانت على هامش الاجتماع، هي الرحلات الجوية بين البلدين، واللي كانت مقطوعة من ساعة حادثة الطيارة الروسية اللي اتفجرت فوق الأراضي المصرية، ومن وقتها ومافيش طيران بين البلدين، والسياح الروس قطعوا بينا.

الرئيس الروسي قال بخصوص الموضوع ده، إن بلده مستعدة لاستئناف الرحلات الجوية مع مصر، وقال إن مصر عملت خطوات جبارة علشان تأمن مطاراتها. بوتين ضاف إن وكالات الأمن الروسية قدمتله تقارير بتبين إن كل حاجة جاهزة لعودة الرحلات المباشرة لمصر. في نفس الوقت، وضح الرئيس الروسي إن القرار ده هيحتاج اتفاق بين الحكومتين، وده هيحصل قريب جدًا.