دخلت القرية العالمية في دبي موسوعة جينيس، بأكبر كوباية شاي في العالم، وبكده تكون اتفوقت على الرقم القياسي اللي حققته شنغهاي في الصين السنة اللي فاتت. المعلومات اللي نعرفها إن فيه 120 طاهي شاركوا في إعداد كوباية الشاي، اللي بتحتوي على 5 آلاف لتر شاي من كميات ميَّة كبيرة، و155 كيلو جرام شاي و270 كيلو جرام من اللبن و360 كيلو جرام من السكر و155 كيلو جرام من الزنجبيل و4.5 كيلو جرام من القرنفل.

تم إعداد كوباية الشاي في 12 ساعة، عشان يتم تقديمه مجانًا لأكتر من 45 ألف ضيف في القرية العالمية اللي تعتبر الوجهة الأولى للثقافة والتسوق والترفيه في المنطقة. كوباية الشاي هتفضل معروضة للي حابب يشوفها في القرية العالمية لحد يوم 1 فبراير 2018.