أحمد عكاشة مراقب في مديرية صحة شمال سيناء، مسؤوليته هو وفريق من الممرضين والموظفين، إنهم ينقلوا التطعيم ضد مرض شلل الأطفال لكل المناطق في المحافظة، لكن الظروف الموجودة دلوقتي والعملية الشاملة سيناء 2018 خليته مش عارف يتنقل بعربيته جوه المحافظة، فكان الحل بالنسبة لمراقب الصحة إنه يركب عربية كارو ويلف على الأماكن بيها.

مهمة أحمد عكاشة إنه يلف كل يوم، من 7 الصبح، شوارع العريش، يدي فريق التمريض مصل التطعيم عشان يوصلوا لأكبر عدد من البيوت والأطفال. وبالعربية الكارو قدر الفريق يحقق نسبة نجاح 106 %. وكيل وزارة الصحة كرم أحمد عكاشة عشان مجهوده. أحمد عكاشة قال لمصراوي: " "زي ما في ناس بتحارب الإرهاب، احنا بنحارب شلل الأطفال، وهنحافظ على مصر خالية من المرضين".