يوم الأربعاء 14 مارس 2018 هنكون على ميعاد مع حدث ضخم هيهز مصر كلها، توفيق عكاشة هيرجع تاني من خلال قناة "الفراعين" لكن المرة دي من خلال اليوتيوب، بعد توقف واختفاء لمدة سنتين. قناة "الفراعين" عملت بيان قالت فيه إن "عكاشة" هيرجع تاني من خلال برنامج اسمه "كلام جرايد" وأول عرض هيكون يوم الأربع وابنه ابراهيم توفيق عكاشة الطالب بكلية الإعلام هو اللي هيصور ويخرج الحلقات دي عشان تكون جاهزة للعرض. 

عودة توفيق عكاشة مش معناها عودة بث قناة الفراعين اللي لسه بتعاني ومتوقفة بسبب ظروف ومشاكل إدارية بينها وبين مدينة الإنتاج الإعلامي والمنطقة الحرة الإعلامية. 

اخر ظهور لتوفيق عكاشة كان في مارس 2016 بعد ما قابل السفير الاسرائيلي واسقطت عنه عضوية البرلمان بسبب ده واتقفلت القناة.