بمناسبة يوم السعادة العالمي، ويارب دايمًا مبسوطين، وزارة الاقتصاد الإماراتية اتفقت مع منافذ بيع كبرى ومتوسطة وجمعيات تعاونية، إنهم يعملوا تخفيضات على السلع بتاعتهم لمدة شهر، بداية من 20 مارس ولحد 20 أبريل الجاي، والتخفيضات توصل ل50%. الوزارة صرحت بإن التخفيضات دي تشمل أكتر من 600 منفذ بيع في الدولة، وهتركز على السلع الغذائية اللي بيحتاجها المستهلك بشكل يومي.

اليوم العالمي للسعادة ده بيحتفل بيه العالم كل سنة يوم 20 مارس، والأمم المتحدة هي اللي اختارت اليوم ده سنة 2012، اعترافًا منهم بأهمية السعادة ورفاهية الشعوب في القضاء الحروب والمجاعات والفقر.