شركات المواد الغذائية في السوق المصري رفعت أسعار منتتجات الألبان بنسبة تراوحت ما بين 5 و10%، رغم إن لسه مافيش زيادات جديدة في أسعار المواد الخام خلال الفترة اللي فاتت.

شركة جهينة للصناعات الغذائية، تعتبر هي صاحبة الحصة السوقية الأكبر في سوق منتجات الألبان في مصر والأكثر ربحًا بين شركات المنتجات الغذائية في مصر السنة دي، على رأس قايمة الشركات اللي رفعت أسعارها، وبعدها جت "نستلة وبيتي ودومتي" مع وقف العروض الترويجية. وبعض شركات الألبان لجأت لخفض وزن علب الزبادي بدل زيادة السعر، فـ اتفاجأ عدد من المواطنين بوزن علب الزبادي اللي نقص 20 جرام، بعد ما كان حجم العبوة الكبيرة 190 جرام، فدلوقتي بقت 170 جرام، مع تثبيت سعرها عند أربعة جنيه ونص في الحالتين.

وارتفع سعر اللبن المجفف المستورد، فوصل كيلو اللبن البودرة 64 جنيه، ونصف الدسم 56 جنيه، وسعر كيلو اللبن السايب من 11 لـ12 جنيه، وسعر اللبن في العبوة اللتر بيتراوح ما بين 13.5 لـ 15 جنيه. كمان اتحركت أسعار منتجات الزبادي في الجملة، فوصل سعر كيلو الجبنة البيضا القديمة من 37 لـ 40 جنيه، واللانشون زاد الكيلو 4 جنيه، والجبن الرومي البطارخ من 84 لـ 88 جنيه، والوسط من 80 لـ 84 جنيه.