أعد المركز المصري لبحوث الرأي العام "بصيرة"، ملف حوالين أهم الأرقام الخاصة بكأس العالم وكيفية مشاهدة المصريين. الملف شمل عدد من الإحصائيات المتعلقة بمونديال 2018.

وضحت نتائج الاستطلاع إن 51% من المصريين اتفرجوا على ماتشات كأس العالم 2018، منهم 27% اتفرجوا على ماتشات مصر بس. و 15% من المشاهدين اضطروا لتقليل ساعات عملهم عشان يعرفوا يتفرجوا على الماتشات.

واشارت نتائج الاستطلاع، لإن نسبة اللي اتفرجوا على ماتش واحد على الأقل وصلت لـ 63% بين الذكور، و37% من بين الإناث. ونسبة اللي مابيشجعوش فريق محدد وصلت لـ 39% بين اللي اتعمل بينهم الاستطلاع، و12% بيشجعوا البرازيل.

أما نسبة اللي بيتفرجوا على ماتشات في البيت وصلت لـ 50%، مقابل 39% اتفرجوا على القهاوي. و 52% من المصريين اتفرجوا على الماتشات على قنوات "BEIN SPORT"، و7% اتفرجوا عليها على الإنترنت.