قرر المهندس طارق قابيل وزير التجارة والصناعة، السماح باستيراد السيارات المستعملة اللي بتشتغل بمحرك كهربائي، أو اللي بيتقال عليها "سيارات كهربائية" وإعفائها من الرسوم الجمركية، أسعار السيارات الكهربائية المستعملة هتبدأ من 450 ألف والجديد أسعارها بتبدأ من 800 ألف. 

علاء السبع عضو شعبة تجار السيارات باتحاد الغرف التجارية، قال لـ"لمصري اليوم"، إن العربيات دي هيتم إعفاءها من الجمارك نهائيًا، لكن هتخضع لضريبة القيمة المضافة، المشكلة اللي بتقابل النوع ده من العربيات، إن قطع غيارها غالية وغير متوفرة، ومالهاش مراكز صيانة في مصر حاليًا، العربيات دي ممكن تتشحن في البيت بس ده هيشترط إنها تفضل تتشحن 12 ساعة عشان تقدر تمشي 200 كيلو متر، لكن تكلفة شحنها في المحطات بتكون حوالي 60 جنيه بس.

شروط استيراد العربيات دي إنها ماتكونش تجاوزت 3 سنين بخلاف سنة الإنتاج حتى تاريخ الشحن، وأول شحنة جاية مصر هتكون حوالي 2000 سيارة بأسعار تبدأ من 300 ألف جنيه.