مع بداية إجازة نص السنة، بتبدأ جامعة عين شمس في الكورس اللي بتعمله كل سنة، اللي هو مشروع "جامعة الطفل"، من خلاله بتسمح لأطفال من سن 9 ل 15 سنة بالدراسة في الجامعة. حسب المنشور في موقع "الوطن"، الجامعة من سنة 2015 بتستقبل 100 طفل من سن 9 سنين ل15 سنة، والمشروع بتمويل من أكاديمية البحث العلمي، وبدأ في جامعة عين شمس بالتوازي مع جامعات تانية.

فترة الدراسة بتكون في إجازة نص السنة، وال10 طفل دول بيتقسموا لمراحل كالآتي: (9 ـ 10 مرحلة)، (10 ـ 11 مرحلة)، (11 ـ 12 مرحلة)، (12 ـ 13 مرحلة)، (13 ـ 14 مرحلة)، (14 ـ 15 مرحلة). الأطفال بيدرسوا 7 حاجات أساسية اللي هي: "المياه ـ الطاقة ـ التنوع البيئي ـ الإنسانيات (وبداخلها حقوق الطفل) ـ الصحة والغذاء ـ الفنون ـ علم المصريات).

الطالب بعد ما بيخلص الأسبوعين، الدكاترة بيقترحوا عليه مشروعات كتير يختار منها وينفذها، وبيتابع معاه الدكتور كل فترة، علشان الطالب يرجع الإجازة اللي بعدها ومعاه المشروع، وبيتخرج ومعاه ماجيستير شرفي وتكريم من رئيس الجامعة. حاليًا بدأت الدراسة للمراحل العمرية من سن 11 سنة لسن 14 سنة.

الصور من موقع الوطن