الكلام عن الأكل الصحي هو الحاجة اللي بتفضل محور كلام الناس دايمًا، سواء كانوا بيتكلموا عن أهمية الأكل الصحي أو بيشاركوا بتجاربهم ووصفاتهم لأكلات صحية.

شركة "بيكو" للإلكترونيات، والعلامة الأولى والرائدة في مجال الأجهزة المنزلية في أوروبا، والراعي الرسمي لنادي "برشلونة" الإسباني لكرة القدم ولاعب الفريق جيرارد بيكيه، السفير الرسمي للمبادرة، بيكو قررت تاخد دور مهم في الترويج للأكل الصحي والتوعية بأهميته، وهتشارك بتحدي جديد عن طريق إطلاق حملة تحت شعار "Eat Like A Pro!"

الحملة هي تعاون مشترك بين "بيكو" و "اليونسكو" لرفع الوعي عند الأطفال بأهمية الأكل الصحي والقضاء علي السمنة بين الأطفال اللي بتضر صحتهم، ومش بس كدة دي كمان ممكن تأثر علي مستقبلهم و اختياراتهم. أهمية المبادرة هي إقناع وترغيب الأطفال في الأكل الصحي عن طريق أبطالهم "لاعبية فريق برشلونة" ومشاركتهم بوصفات بياكلها ميسي وبقية الفريق.

بيكو مصر قررت تقدم المبادرة دي بطريقة قريبة للمصريين وتبين إن الوصفات دي سهلة ولذيذة، عن طريق الماستر شيف المعروف طارق إبراهيم، صاحب الخبرة الكبيرة على مدار سنين طويلة في مجال الطبخ، وهيشارك "بيكو" بإنه يطبخ وجبات غذائية صحية من كتاب وصفات  "Eat Like A Pro!"  و اللي تم الموافقة عليه من فريق التغذية لنادي برشلونة. 

الحملة هتبدأ بنشر "بيكو" 5 فيديوهات، منهم 2 للشيف طارق وهو بيعلمنا إزاي نعمل أكل صحي مفيد، و3 فيديوهات تانيين لـ 3 مشاهير محبوبين زي المذيعة شيرين حمدي، والإنفلونسرز عليا أوي وفرح جلال.

كل فيديو هيكون له طريقة تناول مختلفة، فمثلًا الفيديو الأول بتظهر فيه المذيعة شيرين حمدي وهي بتطبخ أكلات صحية لابنها. الفيديو التاني :الإنفلونسر عليا أوي، واللي دخلت عالم الزوجية من فترة، هتكسر الروتين بطبخ أكلة صحية جديدة ومختلفة بدل الوجبات اليومية التقليدية. الفيديو التالت: الإنفلونسر فرح جلال اللي بتحاول تمشي على نظام غذائي صحي وفي نفس الوقت يكون لذيذ.

"بيكو" قررت تخلي إنفلونسرز كمان يشاركوا في التحدي الجديد عن طريق نشر فيديوهات ليهم على صفحاتهم الشخصية على الانستجرام، وهما بيشاركوا تجاربهم في النظام الغذائي الصحي، المشاركين هما: نوردان سليمان، رنين الجابي، جورجينا طواف، ميركل ناصيف، الشيف منار هشام، الشيف نورا توفيق، الشيف سارة الرفاعي، الشيف نهى ايما.

ومش بس طباخين ومشاهير، المنافسة مفتوحة لكل الناس اللي حابين يشاركوا، وأي حد يقدر يشارك في التحدي عن طريق طبخ وجبة صحية وتصويرها وكتابة مكوناتها في صورة، وتبعت لـ "بيكو" على صفحتهم على فيسبوك. هيتم اختيار 5 أشخاص من التوب فانزعلى الصفحة عشان يكملوا التحدي اللي بدأوه، وفي نهاية التحدي "بيكو" هيختاروا 2 فائزين من الخمس متسابقين عشان يكسبوا منتجات مختلفة من منتجاتهم.

ممكن تشارك من خلال صفحة "بيكو" الرسمية على فيسبوك، أو تشوف الفيديو عشان تعرف تفاصيل أكتر عن التحدي