• اكتب معانا
  • ماتنسناش
  • تابعنا
الموضوع اللي جاي
ماكدونالدز بيحتفل بعيد ميلاده الـ٢٥ في مصر والهدايا رحلة لديزني لاند في باريس
الموضوع اللي فات
"الفارس والأميرة" أول فيلم رسوم متحركة مصري طويل هيتعرض في مهرجان الجونة

بدعم من "إنرشيا": 3 ميداليات دهب جديدة في الألعاب الفردية للرياضيين المصريين

خطوة على الطريق
أبطال مصر

رغم خروجنا من كاس الأمم الأفريقية لكرة القدم، إلا إن مصر لسه بتحقق إنجازات كتير في الرياضات الفردية أفريقيًا وعالميًا.

في مارس اللي فات أعلنت شركة "إنرشيا" للتطوير العقاري عن برنامجها لدعم الرياضيين المصريين، واللي من خلاله هتدعم الشركة 3 أبطال، هما بطل الجودو رمضان درويش وبطل المصارعة الرومانية حسن حسن وبطلة التنس ليلى شكري. والنهاردة بنحتفل بإنجازات جديدة حققها أبطالنا التلاتة، سواء على المستوى القاري أو الدولي، في انتظار ظهورهم بشكل قوي في أوليمبياد طوكيو 2020 وأوليمبياد الشباب 2022، مع استمرار دعم "إنرشيا".

رمضان درويش بطل مونتريال

البداية مع البطل المصري رمضان درويش اللي بيواصل نجاحاته، والمرة دي قدر يحقق ذهبية البطولة الكبرى للجودو بمونتريال، بعد فوزه على اللاعب الكندي من أصل مصري شادي النحاس في وزن 100 كجم. رمضان في الوقت الحالي تصنيفه السادس عالميًا والرابع في التصنيف الأوليمبي، وفوزه ببطولة مونتريال هو خطوة جديدة على طريق حلم الميدالية الأوليمبية.

الميدالية دي مش أول إنجاز لرمضان اللي سجله مليان ألقاب، منها ذهبية دورة ألعاب البحر المتوسط 3 مرات ورا بعض، وبطولة أفريقيا 6 مرات وبرونزية بطولة العالم للأساتذة في الصين 2018 نوفمبر اللي فات وبرونزية بطولة الجائزة الكبرى "جراند برى" في أوزبكستان 2018.

حسن حسن مستقبل المصارعة الرومانية

بطل المصارعة الرومانية الشاب حسن حسن ضاف إنجاز جديد لنفسه ولبلده، بعد ما فاز بذهبية بطولة أفريقيا في تونس. "حسن" سبق وحقق المركز التاني في بطولة العالم للشباب والمركز الخامس في بطولة العالم للكبار. "حسن" لسه سنه صغير بس موهبته كبيرة، ومع الدعم والتشجيع، يقدر يكرر إنجازات كرم جابر في المصارعة ونشوفه على منصة التتويج الأوليمبية.

ليلى شكري بوابة مصر لرولان جاروس

لاعبة التنس المصرية ليلى شكري بتواصل طريقها لتمثيل مصر في بطولة رولان جاروس 2021 وأوليمبياد الشباب 2022. ليلى فازت ببطولة أفريقيا للفردي المقامة في الجزائر في سن 14 سنة، وحاليًا بقت المصنفة الثانية على مستوى مصر وأفريقيا وفي 2018 كانت المصنفة الأولى وشاركت مع منتخب مصر في إنجاز التأهل لكأس العالم.

إنرشيا" هي شركة مصرية ليها مشروعات كبيرة في قطاع العقارات، من وقت بدايتها في 2007، وساهمت في بناء مجتمعات سكنية كبيرة زي West Hills ،Veranda ،G-Cribs ،Soleya ،Brix ،Joulz،  وJefaira  ومشاريع تجارية طبية زي Medipoint Sheikh Zayed و Medipoint Mena Plaza. في نفس الوقت الشركة مؤمنة إن دعم الأبطال الرياضيين هو جزء من دورها ومسؤوليتها الاجتماعية، وده كان سبب في إعلانها عن برنامج رياضي ودعهمها للأبطال التلاتة بشكل مادي ونفسي.

Home
خروجات النهاردة
Home
Home