‎ممكن تحتفل بعيد ميلادك السبعين ازاي؟ هتحتفل أصلًا؟ الناس بعد ما يخلصوا العشرينات بيبدأوا يتجنبوا الاحتفال بعيد ميلادهم، بيبقوا عاوزين ينسوه خالص. الناس بتشوف السن من جانب واحد، العجز، رغم إن العمر الطويل معناه خبرة وعلاقات وذكريات. طب لو براند عالمي بقالك 70 سنة في السوق المصري؟ يبقى بقيت جزء مهم من حياة المصريين، وأكيد احتفالك هيكون مختلف.

‎بيبسي كملت 70 سنة في السوق المصري، وقبل ما يكسروا الدنيا بالحملة "اللاڤلي" اللي عملوها، مكانش حد فاكر هو بيشرب بيبسي بقاله قد إيه، ولا شرط يبقى عارف الشركة دخلت السوق المصري أمتى، كل اللي ‎تعرفه، إنك بتقف عند الكشك تشتري "كنزاية" كل يوم، أو بتروح قهوة حتى لو بعيد عشان لسه بيقدموا فيها بيبسي أزايز، أو حتى باباك اللي بيجيبلكم إزازة 2 لتر وهو مروح البيت، عشان تحبسوا بعد غدوة تقيلة. لو أنت مش فاكر بيبسي فاكرة ومكملة احتفالاتها ب70 سنة في السوق المصري.

أكيد شوفت الإعلان، وعرفت عمومًا عن حملة "لاڤلي" اللي عملتها بيبسي، لايك وشيرز في كل حتة، ولقطات حلوة بتلخص 70 سنة من الموضة والمزيكا، طب إيه؟ خلصت الحملة كدة؟ لا لسه في كمالة. بيبسي عملت (Pepsi® Points) علشان يكون أكبر برنامج تبين بيه الشركة مدى ولاءها واهتمامها بالعملا بتوعها. الموضوع كله قايم على فكرة تجميع النقط، كل لما تشتري ازازة بيبسي أم غطا أصفر، هتلاقي فيها كود، ابعته على رقم 4430، ولما تجمع من 25 ل 50 نقطة، هتكسب وجبات مجانية من "كنتاكي" ورحلات من "كريم" وهدايا نقدية من "أمان".

مجيب رشدان، مدير تسويق شركة بيبسي بيقول عن الحملة دي إن بيبسي بتحتفل بأفضل اللحظات اللي مرت عليها، ومهتمة دايمًا تتواصل مع كل جيل من خلال حملة "لاڤلي"، وإن البرنامج ده بيعتبر رد الجميل من بيبسي للناس اللي شاركوها النجاحات طول 70 سنة فاتت. بيبسي بتتشرب من مليار بني آدم كل يوم في 200 دولة، من بين المليار دول، المصريين عليهم الدور يحتفلوا.