اتفرج على رحلة كيس الزبالة المصري من ساعة ما تاخده وأنت نازل لغاية ما يتحلل
تعداد سكان مصر وصل لـ100 مليون أو أكتر. ال100 مليون دول بينتجوا 100 مليون طن زبالة سنويًا. 15% بس من الزبالة دي هي اللي بيتم إعادة تدويرها، باقي الكمية بيتم التخلص منها بطرق بتلوث البيئة، زي الدفن أو الحرق أو تترمي في المياه، يعني كله في الآخر تلوث.
ازاي ممكن نغير ده؟ في مبادرات كتير عملوها ناس هدفهم إنهم يستفيدوا بالزبالة بتاعتك، سواء إنهم يتخلصوا منها بطريقة صحيحة أو حتى يعيدوا تدويرها ويحولوها لحاجات تانية مفيدة برضه. المبادرات دي زي "أب فيوز" و"جو كلين" و"بيكيا" وغيرهم. في الفيديو هنحكيلك القصة من أولها، من ساعة ما بترمي كيس الزبالة ولحد ما الزبالة توصل لمقرها الأخير.