• اكتب معانا
  • ماتنسناش
  • تابعنا
الموضوع اللي جاي
زيادة جديدة في أسعار سجائر "مارلبورو" و"ميريت"
الموضوع اللي فات
وزارة الصحة هتدفع فرق الزيادة الجديدة في أسعار جلسات غسيل الكلى

7 أفلام قصيرة أبطالها ممثلين معروفين

هتبسطك ومش هتسرق وقتك

فيه اعتقاد خاطئ عند ناس كتير إن الأفلام القصيرة دي درجة أقل من الأفلام الطويلة، وإن اللي يشتغل أفلام طويلة مينفعش يرجع يعمل أفلام قصيرة، الاعتقاد ده بدأ ينتهي عند الناس شوية لما سمعوا عن فيلم "شوكة وسكينة" بطولة آسر ياسين وآياد نصار ومنة شلبي

وفيلم ما تعلاش عن الحاجب إخراج تامر عشري اللي اخرج "فوتوكوبي" وبطولة أسماء أبو اليزيد ومريم الخشت، لكن الحقيقة إن الأفلام القصيرة هي فن مستقل ومتقلش في حاجة عن الأفلام الطويلة، وعشان كده جمعنا أفلام قصيرة أبطالها ممثلين معروفين وعظيمة وتستاهل تتشاف.

بيت من لحم

فيلم قصير عن قصة ليوسف إدريس، بطولة آسر ياسين وفرح يوسف ومنى هلا.

المنور

الفيلم بطولة المخرج محمد خان وأمينة خليل وإخراج ماجي مرجان وكان جزء من فيلم طويل اسمه "عشم"، و"عشم" هو فيلم اتجمع من 6 أفلام قصيرة. 

علشان فريدة

الفيلم ده من أحلى الأفلام القصيرة اللي اتعملت في مصر، ممثليه يمكن ميبقوش مشهورين أوي زي سيف الأسواني ومروة ثروت، ويمكن أكتر اسم تعرفه فيهم هو سلوى محمد علي لكن فيلم يستاهل يتشاف.

ونس

ده أول فيلم قصير شفته لآسر ياسين، وإخراج ماجي مرجان، الفيلم بسيط جدًا بس جميل.

البرواز

الفيلم بطولة سهر الصايغ وأحمد عزمي وإخراج شكري ذكري.

 الاسم انثى

الفيلم عن وضع المرأة في مصر، بطولة ندى موسى وإخراج رامي رزق الله.

 

حار جاف صيفًا

الفيلم بطولة ناهد االسباعي ومحمد فريد وإخراج شريف البنداري، وشارك في مهرجان برلين السينمائي الدولي 2015، الفيلم موجود أونلاين.

Home
خروجات النهاردة
Home
Home