كفاية PUBG بقى.. 7 Video Games تلعبهم على الموبايل
اليومين دول كل الناس من حواليك ماسكين موبايلاتهم وبيلعبوا حاجة واحدة بس، PUBG! فلو أنت زي حالاتنا كده مالكش فيها وبتدور على لعبة تكون حلوة وجديدة تقضى وقتك فيها أو تهرب ليها من المذاكرة والشغل، في الليست دي هنقولك على أجمد 7 ألعاب تلعبهم على الموبايل وتضيع فيهم وقتك لو وراك حاجة ومكسل تعملها، أو تسلي بيها نفسك في حالة لو أنت فاضي وزهقان.
Strategy game ممكن تلعبها مع أصحابك لأنها بتضم لاعبين أو أربعة "واحد قصاد واحد أو اتنين قصاد اتنين" والهدف هو إنك تدمر أكبر عدد من الأبراج اللي بيملكها الفريق اللي ضدك، وعشان تفوز فورا يبقى تدور على "برج الملك" أو الـ king tower وتدمره. بعد مرور 3 دقايق من بداية اللعبة لو كنت أنت والفريق اللي قصادك متعادلين سواء تعادل سلبي أو إيجابي، الماتش هيستمر بشكل تلقائي بوقت إضافي ومع أول فريق أو لاعب يدمر برج للفريق المضاد هيكسب الماتش.
Free Fire - Battlegrounds هدف اللعبة هو البقاء على قيد الحياة، shooting game بتدور حوالين 50 لاعب بينزلوا بالباراشوت على جزيرة بعيدة، وبيفوز فيها لاعب واحد بس، هو آخر لاعب يفضل عايش. حاجة كده شبه hunger games
اللاعبين بيختاروا براحتهم نقطة البداية وفي إيديهم أسلحة وإمدادات عشان يدافعوا بيها عن نفسهم ويفضلوا عايشين وعشان يزودوا فرصهم في إنهم يفضلوا موجودين في ساحة المعركة، وكل ما الوقت يعدي كل ما ساحة المعركة بتتقلص وبتصغر وده بيجبر اللاعبين إنهم يتفاعلوا مع بعض ويتعاونوا عشان يحطوا الخطة اللي هتنقذهم ويحموا بعض. الجرافيكس في اللعبة حلوة وهتخليك ماتسيبش الموبايل من إيديك.
لو مالكش في جو الحروب والضرب وبتحب الألعاب الرايقة تبقى الـ board games هي اللي بتدور عليه. بتلعبوا فيها باستخدام ورق الكوتشينة والـ dominoes وهتتنافس مع 4 لاعبية على تجميع أكبر عدد من النقط، ممكن تلعبها مع ناس تانيين أو قصاد اللعبة نفسها، وممكن تختار لنفسك شخصيات مختلفة وأشكال مختلفة للعبة ولورق اللعب، بس خد بالك بمجرد ما تبدأ اللعبة هتلاقي نفسك مش قادر تقفلها.
لعبة متصنفة كواحدة من أفضل الألعاب في 2018 على Google Play و App store، لعبة بسيطة بس دور ورا التاني هتلاقي نفسك أدمنتها. arcade/physics game الفكرة منها إنك بتتحكم في black hole وبتتمشى فيها في المدينة تبلع بيها كل اللي يقابلك، هتبدأ بـ black hole حجمها صغير وبعد كده كل ما تبلع حاجات زي العربيات وإشارات المرور وغيرها الـ score بتاعك هيعلى وحجم الـ black hole هيكبر والجيم هيبقى أصعب، وهتلاقي إنك بتتحدى نفسك مع كل دور. 
متصنفة من ألعاب الـ single tap game، وبمجرد ما هتبدأها هتلاقي نفسك بتلعبها لساعات متواصلة، فكرة اللعبة هي إنك تتخلص من كل العواقب اللي قدامك بإنك تضرب كرات نار عليها عشان تتخلص منها وتكسب وتجمع نجوم ولازم تعدي كل الحواجز عشان تعمل سكور عالي وتوصل لخط النهاية، اللعبة فيها 20 theme تختار منهم اللي يعجبك.
اللعبة هي عبارة عن قصة تفاعلية، أول مرة تنزل كانت في عيد الحب اللي فات ولعبة مناسبة جدا للبنات. الحكاية كلها بتبدأ وتنتهي في ساعة واحدة بس، قصة اللعبة هي عن بنت اسمها فلورانس يوه عندها 25 سنة، بتعيش حياتها اليومية زي الناس كلها وفي يوم بتقابل "كريش" عازف التشيلو في الجنينة، وعيش بقى معاهم حكاية الحب.
دي بقى لمحبي الـ puzzle games، دورك فيها هو إنك توصل بالأمير "ايدا" للأمان وسط عدد من المتاهات و التحديات المستحيلة وأعمال السحر، بس يا تري هتقدر تنقذ الأميرة؟ 
