زمان بس مش زمان أوي يعني، ديزني كانوا بيدبلجوا كل أفلامهم بالعامية المصرية. ماعرفش مين السبب في تغيير القصة دي واقترح عليهم إن الدبلجة تبقى باللغة العربية الفصحى. الفصحى جميلة بس اللهجة العامية كانت بتدي بعد تاني خالص للأفلام وبتخليها تعيش وسطنا أكتر.

وقت ما كانت الدبلجة بالعامية، عدد كبير من النجوم المصريين اتعاونوا مع ديزني في الدبلجة، وقدموا أدوار صوتية صعب توصف جمالها في كام كلمة أو كام سطر. في الفيديو ده هنرجع مع بعض لورا ونفتكر أشهر النجوم المصريين اللي حفروا صوتهم في دماغنا.