معروف أن من أكتر وسائل التعبير في عصر السوشيال ميديا هي الميمز أو الكوميكس، كل مشهد مميز بيعدي قدامنا، سواء في السينما أو التلقزيون أو غيرهم، ممكن نستغله بشكل أحسن بكتير، ونحوله لصورة جديدة من الفن وهي الميمز. في مقولة بتقولك إن الفلوس بتخليك تعيش تعاستك برفاهية، احنا بنقول إن الميمز هي أكتر حاجة هتخليك تعيش تعاستك برفاهية.

لو زعلان هتستخدمها لو فرحان هتستخدمها، أمك ضرباك قلمين هتستخدمها. كل موقف بنعدي عليه، ممكن يتعمل منه أو عليه ميم، بس اللي يقدر ويهتم بفن مش واخد حقه عند ناس كتير. لو أنت مش meme person أو مابتقدرش الفن ده، يبقي الليست دي مش ليك.
ملحوظة: الميمز مش مترتبة من الأحسن للأوحش ولا الأوحش للأحسن ولا بالتواريخ

 ١- عمر خالد واللايف المتدين بطبعه:

عمر خالد عمل لايف وهو في عمرة أو في حج وكان بيدعي و "متأثو" جدًا، بس غلط أكبر غلطة في حياته إنه بص للكاميرا في النص، اللي هو بترك يا نجم مصر؟ وحياة النبي بترك؟ 

 ٢- المعلم سردينة وعبد الغفور:

الحاج سردينة الكبارة الكمل، كان ليه دور كبير السنة دي، الناس قررت إنها تفتكره وتفتكر دوره في مسلسل "لن أعيش في جلباب أبي"، وحطوا حكم حديثة على لسانه، بصراحة كان صعب أوي نختار ميم واحد بس  

٣- علم الرينبو في حفلة مشروع ليلى

 طبعًا كلنا فاكرين حفلة مشروع ليلى اللي اترفع فيها علم الرينبو وازاي غيرت نظرتنا لحاجات كتير 

٤- أسعار البنزين

من أهم الأحداث اللي شفناها في ٢٠١٧، كانت أسعار البنزين اللي غليت، وازاي المصريين اتعاملوا مع البؤس بمرح 

 ٥- التأهل لكاس العالم

بعد ما اتأهلنا لكاس العالم، كانت مفاجأة لينا ولأستاذ مجدي عبد الغني، فماكانش الحدث ينفع يمر من غير ما نسف عليه 

٦- نتيجة قرعة كاس العالم:

في فترة ما وبدون أي مبررات، ظهر الميم ده وشفنا منه نسخ كتير أوي، بس بما إننا بنحب الحاج متولي كعلامة في تاريخ الدراما المصرية، اختارنا دي  

٩- إعلان دلال عبد العزيز

بجملة إعلانات رمضان، ماكانش ينفع ننسى اوفة، اللي بيمثل نص الشعب المصري مع أهله وبيمثل كل الناس اللي مابيتعملهمش حساب  

١١- تكيف منى

الإعلان ده طلع منه شكارة ميمز الحقيقة، بصراحة كان إعلان يستحق وحقيقي فخورين بروح الدعابة المصرية إنها عرفت تستغله صح  

١٢- فرح سمية الخشاب وأحمد سعد:

جواز عتريس من فؤادة باطل، وشرف أمي باطل، طبعًا القيل والقال كتر في الترند دهون، بس في النهاية الناس مابترحمش 

١٣- لوجو شركة WE

اتفقنا أو اختلفنا على الشركة، ماينفعش نختلف على اللوجو الغريب ده، الحقيقة اتعمل عليه ميمز كتر بشكل خلانا مقتنعين إنه بداية كل شئ، بس دي كانت من أكتر الميمز الصايعة 

١٤- إطلاق IPhone X 

خير اللهم اجعله خير، آي فون إكس نزل السوق بسعر وهمي، وازاي بصمة الوش بتاعته دقيقة جدًا. لكن عمدة كان له رأي آخر زي ما حضراتكم شايفين 

١٥- كاتجوري "الفيفي عبده" 

 ١٦- الحقيقة والسراب: 

ماعرفش إيه اللي فكرنا بالحوار ده، بس اتعمل عليه كوميكس كتير واحنا حبينا الموضوع أوي 

١٧- عمارة اسكندرية:

كان في عمارة في إسكندرية مالت بالشكل اللي قدامكم ده واحم...الصورة كفاية. 
مهما قولنا مش هنوفي الميمز حقهم، كل أسبوعين في السنة كان بيطلع ميم شكل، بس العدد مش بأيدينا، المهم تكوت اتعملت حاجة واستفدت، وافتكرت قد إيه الإبداع ممكن يوصل لمراحل متطورة، وأخيرًا، أحب اشكر الميمز على كل اللحظات اللي الكلام مأسعفناش فيها بس هي أسعفتنا.